بحلمك يا غويدا / للأستاذ محمود علي /

بحلمك ياغويدا انصفينا
ولدارك وصّلينا ان صفينا
علينا الحدّ قيمي إن صفّينا
بصفّ الغير واجتثّي الرقاب

جمال ز اد غيدا إن تفينا
بظلّك التجينا إنت فيّنا
إذا لذنا لغيرك انتفينا
بمغلي الماي أو نار اللهب

بأرشيف الأحبّة أرشفينا
ومن خمر المصفّى أرشفينا
بحسنك دوم غيدا إرشي فينا
جمالك زاع صيتو بالعرب

من ديارك ياغيدا قرّبينا
وفيها من خلقتو قرّ بيّنا
إذا الحَرّ اعترنا و قرّ بينا
إنتي ملتجانا والطلب

متل غرسات كرمك قلّمينا
ومتل ميناء بحرك قل مينا
ياولفي هالغويدا قل مينا
عسى في قربها تلبّي الطلب

إذا زادت خطانا فرملينا
وعنْك إن بعدنا فرملينا
وإن غاب المُعنّى فرملينا
ببحر الكامل ندق الطناب

♥♥♥
هدّي مسيرك ياغويدا فرملي
وان غاب بحر الرجز عنّا فارملي
باللحظ إن حيّدت عنك فارمي لي
خلّي سهامك صابية بقلوبنا