ذكريات ماضي جميل / للأستاذة فهيمة يوسف /

..........ذكريات ماضي جميل..............
..................................................
بذكر  ايام الماضي احلى الايام
...بالحب وفكر الفاضي وكتر الاحلام
كنا  نسهر  ليلية  ونعدّ  نجوم
....صرنا  نعدّ الليالي  نغمّض  ما ننام
.................
كنا نصحى  فجرية  نزرع  الحقول
...شعير وحنطة وباقية وكرسنة وفول
ولما تحل الصيفية ونجني المحصول
....نعمل اجمل  سهرية   دبكة  و انغام
.................
بتذكّر جدي وستي واحلى حكايات
...والدنيا  عم  بتشتي  وهاك  الدلفات
امي تقلي يا بتي   وين  الغنمات
...يمكن حبيتي وصرتي تنسي الاغنام
.................
وبيي  بيقلي ويلك ممنوع الحب
....وولفي بيقلي  بشيلك   جوات  القلب
يا بنتي شو بحكيلك توصفلك صعب
..جيلي ما هو من جيلك فيه فرق اعوام
........................................................