علم خيال / للأستاذ علي الحاج /

علم خيال الليل مطرح ما مرق
نفض جناحو الكحل فوق اهدابها
ووقعت سلال الضو والصبح اندلق
عالمرمر المصقول فوق اعبابها
بحر الغوى بعيونها اوعى الغرق
ترمي سهام الموت من نشابها
والورد لون الورد عن خدا سرق
والياسمين العطر من لبلابها
من شفاف فيها الجمر بعدو ما احترق
عناب تعصر خمر من عنايها
لون الكرز هونيك يمكنلك مرق
ما انعرف طعم الشهد لولا رضابها
عا حد علمي الشمس في محرابها
امبرح عا جو الشعر شواللي جابها
طلعت كانا الشمس سبحان الخلق
طلت من الفس بوك ع اصحابها
فلثة قمروالبدر عن وجا انفلق
كل السعادة بتمتلك اسبابها
والصبح نور الصبح عن صدرا شرق
يختف عقول الناس من البابها
هونيك درب النحل عامل مفترق
بين الكرز والتوت فوق اهضابها
بعدوصغير التوت دمو اللي سلق
نايم على النهدين تحت ثيابها
ويتسابقوا النسمات عا شم الحبق
والعطر والياسمين غلة غابها
فرفش خيال الشعر عندي وانجلق
وتغلغل المأزوع بين اعبابها
وتفلفل الممنوع تازخو العرق
من لمعة البلور فوق ركايها
ولعان قلبو ظل تا قلبو احترق
تا يكشف المستور تحت حجابها
مشغول بالو وصارفي عندو قلق
وقعان وقعة ما حسبش حسابها
والشعر طفل صغير بعدومافرق
انو الافاعي السم في انيابها
ما ذاق بالاوهام شوطعم الغرق
والمستحيل يكون من احبابها
ناسي بانو الحلم عمرو ما صدق
وانو الاصايل في الا ركابها
ناطر طلوع الفجر والصبح انسرق
ناطر الحلوي تعود تفتح بابها
قاعد لحالو يكتب ويمحي ورق
مسكين ما عندو امل ايجابها
يبكي نصيبو وكيف هالعمر انسلق
يلعن حياتو واخت يا اللي جابها