قديش صرلي / للأستاذ مدين رحال /
قديش صرلي: قصيد قصير
----‐----------------‐-------------
قديش صرلي بْ هالدني مقهور
وقديش صرلو خاطري مكسور
ناطر أنا الفرصة تجي شي نْهار
ويطلع صباحي ويختفي الديجور
مازال إسمي بالزجل مغوار
وعاخشبة المسرح صرت مشهور
بليلة أخيرة كنت متل النار
وعامسرحي صفق إلي الجمهور
ومن حول مني اتجمعوا الأقمار
حتى يزيدوا عاسنايي النور
شاعر ، ممثل عافْنوني بْغار
وعندي تواضع مش طبع مغرور
وبْ كل محفل لو قلت أشعار
عانغم صوتي بيرقص العصفور
برسم البسمة عاشفاف صغار
وهيك الشمع بيدوب تايضوي
وياغبن قلبي دايب بْ تنور
----‐------‐-------------
شعر مدين رحال
تعليقات
إرسال تعليق