مسا الوفا / للأستاذ رضوان حاماتي /
مسا الوفا
................
وشوشت عمري.. ما سمعت جواب
بيدر حياتي.. دردرو غمارو
جرّحت أيدي بدقتي للباب
فلّو وما عرفت وين صارو
والدمع ل نسكب حبر ب كتاب
ما عاد كفّى.. توسلت ل جارو
ل يعيرني خدود.. وشويت/ة تياب
جواتهن بتموت أسراري وأسرارو
ومين بيقطّب جرح الغياب
العراوي نفتقو.. وتقطعو زرارو
بكير الشعر قبل ترمو شاب
ما عاد طفيت ولا جمّرت نارو
والقلب ل متغطى.. بكمشت/ة تراب
بيضل(القلب)... لو نسّل وداب
ل بيحب.. بيحب.. ما بيبدلو ل كارو
تعليقات
إرسال تعليق