دكتورنا / للأستاذ مدين رحال /
رثاء الطبيب المرحوم ابن الجولان ذياب عكاش الفاعوري
----------------------------
دكتورنا عكاش يافاعور
بطب الجراحة شو كنت مشهور
تفتح القلب توسع الشريان
ويبقى مريضك خاطرو مجبور
عندك. قناعة وشغلك بإتقان
ب باب العيادة الناس بالطابور
حتى اللي كان بحالتو طفران
وعاحق فاتورة دوا مكسور
قلبك. يلين بعاطفة وتحنان
وتساعدو ويبقى الأمر مستور
وهلق صرت بضيافة الرحمن
ومازال إنسانيتك ايمان
بتدخل ع جنة ربنا مسرور
----------------------
شعر مدين رحال
تعليقات
إرسال تعليق