عمرت اسمي / للأستاذ مدين رحال /

أقول إلى الأصدقاء الأوفياء
عَمرت اسمي وشهرتي بذاتي

وياما صرخت بليل ٱهاتي

وياما مع الكلمة رحت مشوار

اكتب قصيدة والوحي ٱتي

وياما القهر من روح روحي فار

تحول شعر ناعم ب كلماتي

حتى اجتمعت ب أصدقاء كبار

تا صرت فيهن شوف أخواتي

سامر ابن منصور هالمغوار

ب مسرح وقصة وشعر مَ بيحتار

الحبر عطرو والورق أزهار

التشبيه يمكن هيك بيواتي

وخيي سمير ب عالم الأفكار

مخرج و كاتب من فكر جبار

بقصة أماني كان في أسرار

فلمو بيحكي عن طفالى صغار

شيخ الشباب بيطلع ومختار

بيواجه الريح ن إجا عاتي

ونورا صديقة بذات هالمضمار

من نورها بدر الدجى بيغار

وكرمالكن وثقت هالاصدار

ب. اسم الصداقة رسمت لوحاتي
-------------------------
شعر مدين رحال

مدونة أقلام و خواطر راقية للتوثيق