مسا الحلو / للأستاذ رضوان حاماتي /
مسا الحلو
..........
كنت الحلو وبتضل ب عيوني الحلو
عيوني وقلبي كرمالك.. .. بيتقاتلو
ل تضل الربيع .. ب فصول السني/ة
بسقيك دمعي.. لولا عيوني بيدبلو
.........
كنت الورد. جايي بدي حوشو
كنت الطفل ل بحضنو و(تشتشو)
كنت العصافير ل بصدري عششو
شو نقودو.. بفكرن ع قلبي يوصلو
......
كنت الورد وع الورد بيتفرجو
كنت العمر يل حاملو ومغنجو
كنت خيالات مرقو ول عنّا أجو
ياما سألتن.. وعني ما بيسألو
.......
كنت الدوا.. وشو نطرت ل أشربو
كنت الغياب.. ومن عمري ب حسبو
كنت العيون.. ل فيي شو رحّبو
كنت غمزات ل ب عيوني تشركلو
........
كنت الحروف ل تايهة وما بتلتقى
كنت الدمع ول خدودي مغرقا
كنت ضحكت/ة طفل ب أيام الشقا
كنت خمرت/ة روح.. ل الله محللو
.........
كنت الحلو وبتضل ب عيوني الحلو
كرمال اسمك صرت عم حب الحلو
................
تعليقات
إرسال تعليق