مسا الوفا / للأستاذ رضوان حاماتي /
مسا الوفا
..............
روحك يا روحي فوق عيني مرفرفي
سقع القلب من يوما.. وما عاد دفي
قاعد لوحدي.. ب راجع حسابات
قنديل عمري(ناص) وخايف ينطفي
..........
العصفور من صوبنا ما عاد مرق
عن دارنا حوّل.. ل بعيد وفرق
والدلف عبى البيت وعلينا دلق
العتبات مع الحجار عم تتأسفي
..........
تخرسن الباب ما عادو نطق
لا صوت لا حس كأنو اختنق
التنور هبّط وعلينا اشتلق
والموقدي من الجمرات منضّفي
...........
لا جراس دقو ما عاد عنا عيد
أيدي ع خدي بتنطرمواعيد
الكرم يبّس... ما بيعصر نبيد
جرح القلب.. كيف بدو يختفي
.....
وبعدي لهلق رجعتك موعود
بالدمع عيني تجود شو بتجود
العنقود(مجز) ما استوى العنقود
دبلن ع أمو وما رح نقطفي
.........
تعليقات
إرسال تعليق