يا دهر قلي / للأستاذ مدين رحال /
يادهر قلي شو بعد بدّك
بْ يِكْفي قهر وَقّف على حدّك
بتضرب ع روحي وابل من النار
غدار انت بمزحك وْجَدّك
لَفّيت حالك عالعنق زنار
متل ال كأنو في حدى شَدّك
تاصرت مخنوق ومجالي صار
ضيق ، مَ فيني كون. من قدّك
صارت حياتي بٱخر المشوار
ورح تنطفي الشمعة اجا إنذار
وقلبي مْعَتّم والعقل محتار
وغرقان بالتفكير ليل نهار
وحابس بقلبي بقجة الأسرار
وبعدك بصدري داقق المسمار
وحاطط بكل مصيبتي يَدّك
--------------------
شعر مدين رحال
تعليقات
إرسال تعليق