ملاك الشعر / للأستاذة فايزة معماري /
ملاك الشعر
قصيدة طويلة سأحاول أن أختصر ما أمكن حتى لا تملوا أصدقائي
ملاك الشعر من برجو ندالي
طرت ع جوانحو ونسيت حالي
فرجاني دني جديدة/ ي وفتية /ي
ومنظر ما خطر مرة ع بالي
شفت سهول وروابي غنية /ي
وشجر وجبال تشمخ للأعالي
شفت حجار هالأرض الأبية/ي
صارت دهب وكنوز ولآلي
شفت الشمس قعدت تحت فيي
الغيوم وعم تسطرلي رسالة /ي
وأخدني عا قصور الأبجدية /ي
العتيقة وبعد نورا عم يلالي
وعملّي من حروفا مزهرية /ي
ترشح عطر وتنقّط أصالة /ي
ولبّسني عباية /ي سيبوية/ي
وحيّكلي من الهمزات شالي
وقيعدني ع صخرة سرمدية/ي
صخرة عز أيام الخوالي
وقلّي الشعر أغلى من عينيي
وأقوى من الخناجر والعوالي
وأحلى من الخيول اليعربية /ي
ومن سنسال ع صدور الغوالي
اكتبيلي الشعر واتكلي عليي
اغرفي من منبعي ومن حر مالي
وقولي لااااا لوحوش الأذية /ي
قوليها .... وريّحي بالك وبالي
وقولي النعم قوليها قويّة /ي
كلما الظرف يطلب هيك حالة /ي
الشعر الصادق وعندو هويّة /ي
بيغيّر شعب من حالة /ي لحالة /ي
الشعر الصادق مراية/ي نقية/ي
ما عندو مشكلة يقول الحقيقة
ولا بيخاف من سيف الجهالة /ي
صباحكم خير وسعادة وراحة بال أصدقائي
تعليقات
إرسال تعليق