النجمات غنوا / للأستاذ مدين رحال /
النجمات غَنّوا ب عيد ميلادي
و سْمِعت صوت الليل بينادي
خلوا القمر غايب بلا مايْكون
تَ يعايدوني بشكل افرادي
وع الأرض في نجمة والها عيون
من عيونها فجر الدني غادي
معقول ؟ رفقتنا عليها تهون
ومتل الغريب يصير إبعادي
معقول ؟ تنسى قَيسها المجنون
محروق قلبو بنار وَقّادي
صَفّى بزنزانة/ت/ عشق مسجون
إعدام حكمو بسيف فولادي
تاصار يكتب بالشعر موزون
فصحى عمودي ونثر بزيادي
يامولدي بميلادها مقرون
بنيسان قلبي عالورد نادي
مدين اسم منهي بحرف النون
والميم حرف بأولو بادي
وب أربعة وعشرين من كانون
الله خلقني حامل شْهادي
خَلّاق فكري بفطرتي مكنون
وقلبي طفل فيه الطهر مسكون
عاغمرة/ت/ الحلوين بيدادي
----------------------
شعر مدين رحال
تعليقات
إرسال تعليق