كبرنا / للأستاذ ابراهيم أحمد /

كبرنا

كنّا بعمر الورد ننشر العطر  بدروبنا كبرنا وصار بالجبين قطوب

ضعف الجسد من طول العمر  والفكر صار شمعات  كل يوم بتدوب

وخدودنا اللي ساكنها الورد تقدم العمرصارت الكلمات عطر وطيوب

الطفولة شغلتها الدنيا ولما كبرنا صار همنا نمحي الذنوب

متل البدر مضوايين عَ الكون  والفرح ملى القلوب

متل عصافير الدوح نزقزق حبّ وبسماتنا مغطاية الدروب

كبرنا والشعر شاب والقلب من هوى الاحباب داب

صار الحب معشعش بالشرايين
ونظراتنا بلمحة  بتخترق القلوب

وكل ماتقدم فينا العمر بنظرة عين كنا نقرأ ماخبته القلوب

خبرتنا علمتنا حكمة نحب الحياة وما نجرح المحبوب

وطولة البال صارت ترافقنا ونسينا العصبية والسرعة والغضب وكرهنا الحروب

صارت البسمة ترافقنا لما كبرنا من الصبحية لوقت الغروب

صرنا نُوسَعْ الناس وكلامنا قليل وعن الأذى بعدانين متل الياسمين عطر مسكوب

رجعنا لأيام الطفولة متل الثلج قلبنا أبيض ووجهنا مهيوب

بقلمي؛إبراهيم أحمد