مسا السؤال / للأستاذ رضوان حاماتي /
مسا السؤال
..............
سألت الله الإنسان كيف بتعملو
وكيف بتعجنو وبالمواد بتجبلو
قلي نسيت أنو (كمشت/ة تراب)
فيها نفخت روحي ل حوّلو
ونّست فيه الأرض بعد غياب
قلت صار الوقت لازم نزّلو
عطيتو وصايا مسطرة ب كتاب
ع الكون سلطتو.. ما يعدّلو
وصرت أحكيه ما لاقي جواب
عليي ما رد. وأرجع أسألو
من توب رحمتي. فصلتلو تياب
حتى يكبر بعيون البشر ل جللو
بعدا عصي وصار أشبه ب(الدياب)
صار ياكل لحم خييو ويحللو
لا عاد يستحي ولا عاد ينعاب
متل ل عاشو ب غابي/ة وسبعلو
وشو نطرت يرجعلي كأنو تاب
لا رجع والخطايا بقلبو غلغلو
واحترت بأمرو وبتحمل عذاب
بلكي غيّرو وعن مسارو أبدلو
نصلبت ب مسامير.. تعلقت ع أخشاب
حتى من الموت والزلات أنشلو
مع كل هيدا ما حسبلي حساب
ظن أنو الكون.. ملكو وإلو
مسكين رح بيضل ابن التراب
لولا عيوني عنّو مرة ميّلو
وصيتي إلو بكلمتين زغار
ع السما ل متلو.. ما رح يوصلو
...........
تعليقات
إرسال تعليق