شو بقي من سورية / للأستاذة فايزة معماري /
ذكرتني هذه الحرائق في قرى الوادي الشرقية بالحرائق التي حصلت في قرى الوادي الشمالية والغربية منذ عام
/٢٠٢٠/ وقد كتبت في حينها
شو بقي من سوريا
شو بقي من سوريا قلّي
وين الزرع وصوامع الغلة/ ي
وين الجمال ال كان
معربش على التلة/ ي
الليمون عم يبكي
الزيتون عم يتنهّد ويشكي
وهالسنديان ال كان
يتحدّى الزمان
راسو على صدرو تكي
وما بقي بهالأرض
يلّي حرقها البغض
إلا شجر عريان
وصخور عرياني
وعيون حيراني
من بعد ما شبعت بكي
لكن بقي قلبين بيحبوا بعض
ايدك بإيدي نروح
نزرع من جديد
وهاك الجمال نعيد
نكاية بكل ال قلبهن مليان
لؤم وحقارة وبغض
ايدك بإيدي نروح
وبالعلم والنور
نمحي عتم وشرور
بالحب نشفي جروح
عجّل تعى تا نروح
عجّل تعى تا نروح
الله يحمي اهل الوادي جميعا
والف شكر لكل من تطوع واندفع ليساهم في اطفاء الحرائق بكل الوسائل المتاحة
ر
تعليقات
إرسال تعليق